ДАСТАРХОН

Қалама

2 коса орд;

1 коса об;

ним пиёла равған;

намак мувофиқи табъ.

Аз маҳсулоти номбаршуда хамир омода мекунем. Пас аз 20 дақиқа дам гирифтани хамир онро бо тирак боз мекунем. Баъд равған молида, дар тирак мепечонем ва мебурем. Сипас, дар тобаи тафсони равғандор фатири омоданамударо бирён мекунем. Сипас, ба рӯяш шакар мепошем.

Ҳалвои тар

Маҳсулоти зарурӣ:

Ним истакон равғани растанӣ;

5 қошуқи калон орд;

шакар - 1 истакон;

об - 1 истакон; чормағзи кӯфта мувофиқи хоҳиш.

Тарзи омода намудани ҳалвои тар:

Дар оташи паст деги равғандорро гарм карда, кам – кам ордро илова менамоем. Бо сурх шудани орди бирёншудаистода шакарро якҷоя мекунем.

Ҳамаи онро дар дег мекобем, то он даме, ки шакар ҳазм шавад ва равған ҷудо гардад. Баъдан оҳиста – оҳиста оби гармро илова мекунем (аз оби хунук шакар сахт мешавад!). Маҳсулотро то ранги сурхи баланд гирифтанаш мекобем. Баъде, ки ҳалво ғафс шудан гирифт, дегро аз болои оташдон мегирем.

Каме хунук, ки шуд, онро ба табақчаҳо тақсим мекунем ва болояшро бо чормағз оро медиҳем.

Нахӯдшӯрак

Маҳсулотизарурӣ:

1 кггӯшт;

500 г сабзӣ;

7 - 8 дона пиёз;

2 истакон нахӯд;

райҳон, пудина, занҷабил (мувофиқи табъ), барги ғор, мурч.

Тарзи омода намудани нахӯдшӯрак

Бурдаи калони гӯшти устухондорро муддати 1- 1,5 соат дар 2 литр об ҷӯшонед. Баъд пиёзи резакардашуда, сабзӣ, мурч, барги ғорро андохта, дар оташи паст муддати 30 дақиқа ҷӯшонед. Баъд аз дег гӯшт ва сабзии пухтаро гирифта, нахӯди таркардаро ба дег андохта, то пухтан ҷӯшонед. Кабудии омоданамударо ба дег андохта, 5 дақиқа рӯи онро пӯшонед.

Гӯшту сабзии пухтаро алоҳида ва нахӯдро дар табақчаи дигар гирифта, рӯи дастархон гузоред. Оби шӯрборо алоҳида метавонед истеъмол намоед.

Иштиҳои том!