Ин ѓизо дар баробари хусусиятњои фоиданокї ва таќвият додани иммунитети бадан, ба инсон нерумандї бахшида, аз чандин беморињои сироятї муњофизат менамояд. Азбаски нишалло аз решаи рустании камёфти бехї омода гардида, тањияи он ваќти зиёд металабад, соњибони њунар ин ѓизои лазизу пурасрорро танњо дар моњи шарифи Рамазон тайёр карда, ба фурўш мебароранд.

Њамакнун, тавонбахшию фоиданокї ва дигар хусусиятњои ин ѓизоро ба инобат гирифта, устодони касб тасмим гирифтаанд, ки шурўъ аз Наврўзи имсола дар њама љашну маросимњои идона мењмононро бо ин ѓизои хуштамъу лазиз зиёфат дињанд.

Барои омода намудани нишалло 2 килограмм решаи растании бехї, сафедии 5–6 дона тухми мурѓ, 10 литр об, 10 килограмм шакар, ду бандча ванилин ва як ќошуќ кислотаи лимў лозим аст.

Ќадами аввал: ду кило решаи бехиро тика-тика реза карда, онро дар 10 литр об андохта, дар оташи паст то њадде мељўшонем, ки аз 10 литр обу 2 кило бехї њамагї 2 литр мањлули сиёњи сурхча боќї мемонад.

Ќадами 2: мањлулро дар деги сафедкардашуда гирифта, ба он сафедии 5–6 дона тухмро илова мекунем. Баъдан онро чунон лат мезанем, ки дег аз кафки мањсулот пур мешавад.

Ќадами 3: дањ кило шакарро дар об љўшонда аз он ќиёми шакар омода мекунем. Ба ќиёми шакар 1 ќошуќ кислотаи лимў (афшураи афлесун) илова мекунем, то ин ки дуруштии шакаробаро њал намуда, ба нишалло тамъ ва бўи иштињоангез бахшад.

Ќадами 4: омехтаи ќиёми шакар ва афшураи афлесунро ба деги нишалло њамроњ намуда, онњоро хуб ба њам меомезем, то аз мањсулоти мазкур нишалло њосил шавад.

Ќадами 5: дар охир барои ковок намудани ѓизои мазкур ба деги нишалло 2 баста ванилинро илова намуда, мањсулотро ба њам меомезем.