ШОҲКАДУ

Шоҳкаду таоми дӯстдоштаи мардумони Осиёи Миёна буда, барои омода намуданаш чунин маҳсулот лозим аст:

Як кадуи ҳаҷмаш миёна;

300 – 400 гр. гӯшти лаҳми гӯсфанд;

150 – 200 гр. равғани думба;

2 – 3 пиёз;

1 қошуқча зираи кӯфта,

3 - 4 дандона сирпиёз,

мурч ва намак мувофиқи табъ

Қадами 1. Қисми болоии кадуро бурида, қисми дохилиашро ба воситаи қошуқи калон аз донаҳо тоза мекунем.

Қадами 2. Гӯшт ва равғани думбаро чоркунҷа бурида, пиёзро тунук реза менамоем.

Қадами 3. Гӯшт, пиёз ва равғани думбаро дар косае андохта, ба он мурчу зира ва намакро ҳамроҳ карда, омехта менамоем. Маҳсулоти омодаро ба даруни каду меандозем, сирпиёзро илова мекунем.

Қадами 4. Кадуро дар тафдони хунук монда, ҳарорати онро ба 

200 дараҷа баробар мекунем. Каду дар ин ҳарорат дар муддати 1.5 – 2 соат мепазад.

Қайди махсус барои бонувон: 

Барои омода намудани ин намуди таом бояд ҳаҷми миёнаи кадуро интихоб кард, то ақаллан дар дохилаш як литр маҳсулот ҷо шавад. 

Қисми поёни каду бояд ҳамвор бошад. Ин таомро бо гӯшти гӯсфанд ва гов низ омода намудан мумкин аст. Ба ҷои думба равғани рустанӣ 

ё сметанаро метавон истифода бурд. Вале набояд фаромӯш кард, ки ҳар кадоме аз ин маҳсулот ба таом мазаю тамъи дигар медиҳанд.