ШИРИНИИ «РОҲАТИ ҶОН»

Маҳсулоти зарурӣ:

Барои 300 грамм хамир:

150 мл шир;

50 грамм об;

40 грамм маска, орд;

100 грамм пис­та;

50 грамм шакар;

50 грамм асал.

Тарзи таҳия:

Аз шир, об, маска ва орд хамири андаке сахт шӯрида, 20 дақиқа дам медиҳем. Пистаҳоро кӯфта, як сӯ мегузорем. Хамирро хеле тунук карда, ба шакли чоркунҷа мебурем (аз хамирчаҳои манту андаке хурдтар). Ба ҳар яки он писта гузошта, мепечонем ва дар тафдон дар ҳарорати 180 дараҷа мепазем.

Асал ва шакарро бо ҳам омехта карда, андаке меҷӯшонем ва шириниҳои пухтаро як - як ба он ҷӯлонда, болои лаълӣ мечинем. Рӯи онро метавон бо кӯфтаи шакар, писта ва ё чормағз оро дод.