ХӮРИШИ «ФУНЧОЗА»

Маҳсулот (барои 3 ҳисса):

Буридаҳо аз биринҷ (фунчоза) - 200 г;

Замбурӯғ - 5 дона;

Сабзӣ – 1 дона;

Қаланфури булғорӣ - 1 дона;

Бодиринг - 2 дона;

Сирко (70 %) - 1 қошуқча;

Кашнизи кӯфта - 0,5 қошуқча;

Қаланфури тунд – мувофиқи табъ;

Қайлаи соя - 5 қошуқ

Тарзи омода намудан:

Буридаҳои биринҷиро муддати 5 дақиқа дар оби гарм нигоҳ дошта, бо туппакашак мебардорем ва дар оби хунук мегузорем. Сипас, замбурӯғро чоркунҷа реза карда, 5–7 дақиқа дар равған мезирбонем. Сабзиро аз турбтарошак гузаронда, қаланфури булғориро борики дарозрӯя мебурем. Пас аз зирбонидани замбурӯғ сабзиву булғориро ба он ҳамроҳ менамоем ва муддати 2 дақиқа дам мепартоем. Буридаҳои биринҷиро бо маҳсулотҳо якҷо карда, баъдан бодирингро борики шаклан дароз реза карда, илова менамоем. Ба он сирко, қаланфури тунд, қайлаи соя ва кашнизро ҳамроҳ мекунем.