САНБӮСАИ «РОҲАТ»

Санбӯса аз ҷониби таббохи чойхонаи «Роҳат» пешниҳод мегардад

1 коса об, 1 дона тухм, намак ва орд.

Аз маҳсулоти номбаршуда хамири сахт тайёр мекунем. Сипас, то 30 - 35 дақиқа дам гирифтани хамир қимаро омода месозем.

Пиёзу гӯштро майда реза мекунем. Мувофиқи табъ мурчу зира меандозем. Барои хушхӯр шудани санбӯса баъзан пораи равғани думба ва помидор ҳам илова кардан мумкин аст.

Тавзеҳ: cанбӯсаи «Роҳат» бо хамири сахт омода карда мешавад. Зуволаҳои онро бо тираки хурд тунук карда, гирдак мепечонанд. Фарқи санбӯсаи «Роҳат» аз дигар намуди санбӯсаҳо ҳам дар ҳамин мебошад.