ОШИ «САМАРҚАНД»

Оши палов аз ҷониби таббохи чойхонаи «Шоми Самарқанд» пешниҳод мегардад

Маҳсулоти лозимӣ:

Биринҷ – 1 кг;

Сабзӣ – 1 кг;

Гӯшт – 1 кг;

Сағал – 2 кг;

Равғани зағир – 0.5 л;

Нахӯд – 0.4 кг;

Сирпиёз – 1 кг;

Мавиз – 0.5 кг;

Зирк (барбарис) – 0.3 кг.

Тарзи омода намудан:

Дар равғани таспон гӯштро ҳамроҳи устухон меандозем. Пас аз сурх шудан, сабзӣ якҷо карда мешавад. Сабзиро дар оташи баланд то сурх шуданаш мезирбонем. Ҳамин ки сабзӣ сурх шуд, мавизу барбарисро ҳамроҳ мекунем. Баъд аз каме зирбондан, ба он об меандозем. Об бояд каме аз зирбак зиёд бошад. Нахӯдро замони ҷӯш омадани зирбак илова менамоем. Баъдан, биринҷро шуста, дохили дег меандозем. Пас аз хушк шудани оби зирбак, ошро дам андохта, сирпиёзро ҷо-ҷои он дохил мекунем ва ба болояш маводи хушбӯйкунандаи зира мепошем.

Баъд аз 40 дақиқа оши мо дам мехӯрад ва барои истеъмол намудан омода мешавад. Бо иштиҳои том!