ХОНИ БОНУ

Тарзи омода кардан:

Гӯштро дар шакли дарозрӯя майда карда, дар равғани растанӣ каме бирён мекунем. Пиёзи резашударо ҳамроҳ карда, андаки дигар мезирбонем ва бодиринги шӯрро бо хамираи помидор илова менамоем. Каме оби ҷӯшомада рехта, дегро мепӯшонем ва то пухтани гӯшт дар тафдони алоҳида картошкаро бирён мекунем. Картошкабирёни тайёршударо ба дег андохта, намак, мурч, барги халиҷӣ ва сирпиёзи резакардаро ба он ҳамроҳ месозем. Муддати 15–20 дақиқа дар оташи паст меҷӯшонем.

Хӯроки мо тайёр шуд.

Хӯриши «Прага»

Маҳсулоти зарурӣ:

Гӯшти мурғ – 350 г.

Сабзӣ – 1 дона

Бодиринг – 2 дона

Тухми обпаз – 3 дона

Ҷаъфарӣ – як даста

Равғани зайтун – 3 қошуқи калон

Тарзи омода намудан:

Гӯшти мурғи обпазшударо бо бодиринг, тухм ва сабзӣ майда реза карда, кабудиро илова мекунем. Зардии як тухмро бо хардал (горчитса) ва равғани зайтун омехта намуда, ба хӯриш илова месозем.

Хӯриш тайёр!

Хӯриши «Сезар»

Маҳсулоти зарурӣ:

Мурғи обпазшуда (қафаси сина)

Тухм – 1 дона

Помидор – 1 дона

Нони хушк – 2 баста

Майонез, намак, баргҳои салат

Тарзи омода кардан:

Баргҳои салатро тоза шуста, бо даст соида, майда мекунем ва ба зарфи шишагин меандозем. Гӯшти мурғро дар шакли чоркунҷа майда карда, ба салат илова менамоем. Сипас, тухм ва помидорро реза намуда, бо ҳамроҳии нонҳои хушк ва майонез ба хӯриш меандозем ва ба хубӣ омехта менамоем.

Иштиҳои том!

мастона