ПИТСА

Барои тайёр кардани  2 питса  ба мо чунин маҳсулот лозим мешаванд:

Хаминтуруши хушк – 1 қошуқча;

орд – 1-2 пиёла;

оби гарм – 3-4 пиёла;

шакар – 1 қошуқча;

намак – ним қошуқча;

равғани зайтун – 2-3 қошуқ;

помидор – 5 дона;

сирпиёз – 3 дандона;

панири Моцарела – 150 гр;

мурч ва райҳон мувофиқи табъ.

Тарзи омодасозӣ:

Ба тағорача оби гарм, шакар ва хамиртуруши хушкро якҷоя карда омехта мекунем.  Пас аз хуб омехтан хамирро ба муддати 10-15 дақиқа мегузорем. Баъд ба он каме намак ва ордро илова карда боз омехта мекунем. Ҳангоми омехтан ба он боз равғани зайтун мерезем. Ҳар замон ба он ордро илова карда, то намуди лозимаро гирифтани хамир  онро омехта кардан лозим. Хамирро ба тағорачаи тоза мегирему  ба болояш каме равғани зайтунро мемолем ва болояшро бо латта рӯйпуш карда ба мӯҳлати 1 соат мегузорем, то ки он варам кунад. Вақте, ки хамирамон расид, онро боз як бори дигар мушт карда ба мӯҳлати 30 дақиқа  нигоҳ медорем.

Акнун афшураи помидорро тайёр мекунем. Помидорро шуста поёнашро каме буред ва ба оби ҷӯшидаистода андозед.  Пас аз 1-2 дақиқа онро гирифта пӯсташро гиред. Помидори тозашударо ба шакли чоркунҷа бурида, онро бо майдакунак ё блендер ба шакли пюре гардонед. Сирпиёзро тоза карда майда реза мекунем.  Ба  сковородка равғани зайтун рехта ба он помидорро меандозем ва дар оташи паст 20-40 дақиқа мепазем. Пас, ба ин сирпиёз, намак ва мурч меандозем.  Ҳамаашро хуб омехта боз мепазем. Ин атола ва ё  соус аст ва  вақте он тайёр мешавад, каме хунук карда, ба хамири тайёр кардамон мерезем.

Хамири тайёрро ба ду қисм чудо карда онро даврашакл паҳн мекунем. Ғафсияш на камтар аз 3 мм  бояд бошад. Баъдан,  ба болояш соуси тайёр кардаамонро мерезем ва аз болояш каме барги райҳон мегузорем. Пас онро ба тафдон гузошта ба мӯҳлати 5-7 дақиқа нигоҳ медорем.

Онро гирифта ба болояш сирро ( агар мосарелло бошад боз хубтар) аз турбтарошак гузаронида мерезем ва боз 2 дақиқа ба тафдон мегузорем, то сир об шавад.

Питсаро дар гарм буданаш истеъмол кунед. Ба шумо иштиҳои том.

Гулноз