КУЛЧАҚАНДҲОИ ТЕЗПАЗ

Тарзи тайёр намудан:

Панирва маргаринро аз турбтарошаки ҳаҷмаш калон мегузаронем, ва ба он орд ва шакаро якҷоя намуда хамир мемолем.  Хамири тайёршударо рост намуда ба шаклҳои гуногун мебурем. Баъд аз он, тобаи чоркунҷаи тунукагии тафдонро равған намуда,  хамири бо шаклҳои гуногун буридаамонро  ба он мечинем. Тафдонро то ҳарорати 200 дараҷа гарм намуда кулчақандро  муддати 25 – 30 дақиқа мегузорем.

КУЛЧАҚАНДИ ТЕЗПАЗ БО АСАЛ

Маҳсулот:

Тухм – 2 дона

Шакар – 1 истакон

Орд – 1 истакон

Асал – 1 чумчаи майда

Равғани растанӣ - 100 мл

Ванилин

Ковоккунак

Тарзи тайёр намудан:

Тухмро лат дода ба он шакар, ванилин, асал, ковоккунак ва ордро ҳамроҳ менамоем. Пас аз он равғанро ҳам якҷоя  намуда хамир мекунем. Хамири тайёршударо ба қолаб дароварда ба тобаи равғанкардашуда мегузорем. Кулчақандҳоро муддати 10 – 15 дақиқа мегузорем ва дар   ҳарорати 180 дараҷа гармӣ мепазем.

КУЛЧАҚАНДИ ТВОРОГИИ ТЕЗПАЗ

Маҳсулот:

Орд – 250 грамм

Творог – 230 грамм

Маска – 130 грамм

Шакар – ½ истакон

Шакари ванилдор – 1 чумчаи майда

Сода – ½ чумчаи майда

Тарзи тайёр намудан:

Маскаро  чоркунҷа реза мекунем. Маскаи резакардаро бо орд якҷоя намуда  омоч мекунем. Ба он шакари ванили, творог ва содаро ҳамроҳ намуда  хамирро то нест шудани часпакиаш  омехта  мекунем. Қабати хамиро 3 мм тунук намуда  (кӯшиш намоед вақти тунук намудан орд ҳамроҳ нанамоед) бо истакон даврамонанд мебурем. Хамираи буридаамонро як қабаташро ба шакар тар намуда онро дуқат менамоем. Боз  қабати дуюмашро низ ба шакар тар намуда  боз як қабат мепечонем ва қабати болоияшро низ ба шакар тар намуда, ба тобаи тафдони равғанкардашуда мегузорем. Пас, кулчақанҳои тайёркардаамонро ба тафдон гузошта муддати 25 – 30 дақиқа дар ҳарорати 180 дараҷа мепазем.

Сараева Ф.