ХӮРИШ «МИМОЗА»

Тарзи тайёр кардан: оби моҳии консервашударо мерезем ва моҳиро бо чангак (вилка) майда мекунем (гулмоҳии обпазро ҳам инчунин) ва бехпиёзро майда реза мекунем. Тухми обпазро аз пӯчоқаш тоза карда сафедиву зардиашро ҷудо мекунем. Ба мо ду зарф даркор: яке барои сафедии тухм, ки мо онро аз турбтарошаки ҳаҷмаш калон мегузаронем ва дуюмаш, барои зардии тухм, ки онро ҳам аз турбтарошаки ҳаҷмаш калон мегузаронем. Каме аз  зардии тухми майдакардамон барои ороиш рӯйи  салат мегузорем. Сабзии обпазшударо ҳам тоза карда  аз турбтарошаки ҳаҷмаш калон мегузаронем. Укропро шуста обашро хушк мекунем. Ба салатдон қабат карда мегузорем.

Ба қабати 1-ум  моҳии консервашуда (каме мурч пошида майонез мемолем)

Ба қабати 2-юм  бехпиёз (каме  намак ва мурч пошида майонез мемолем)

Ба қабати 3-юм  каме аз  сафедии тухми майдакарда  (каме  намак пошида майонез мемолем).

Ба қабати 4-ум  сабзии тарошидашуда (каме  намак ва мурч пошида майонез мемолем)

Ба қабати 5-ум  боз зардии тухми майдакарда (каме намак ҳамроҳ карда майонез мемолем)

Ба қабати 6-ум  боқимондаи  сафедии тарошидаи  тухмро мегузорем  (каме намак ҳамроҳ карда майонез мемолем)

Барои ороиши рӯйи салат  зардии тухми  қиммашуда ва укропро истифода мебарем  ва барои дам додан  онро каме  ба яхдон мегузорем.

Бо иштиҳои том.

Сафраева Ф.