Аввал хамирро тайёр мекунем: творогро бо равғани растанӣ, тухм, шакар ва ванилин якҷоя мекунем.  Какавро бо орд ковоккунак ва намак омехта менамоем  ва ҳамаи ин маҳсулотҳои тайёршударо бо творог якҷоя намуда бо микстер лат медиҳем.

Хамирро тунук менамоем (хамир ба осонӣ тунук мешавад). Қолабро хуб равған намуда хамираи тунуккардаамонро ба он меандозем ва то болояш рост мекунем. Бояд, ки қолаб баландиаш ақалан 20 см бошад. 

Сипас қимаашро тайёр менамоем:  тухмро аз сафедиаш ҷудо менамоем. Сафедии тухмро то кафкаш баланд шуданаш хуб лат медиҳем . Зардии тухмро бо творог, қаймоқи камравған, шакар, афшураи лимӯ ва оҳар омехта менамоем. Ба креми творигии тайёршуда сафедии тухмро меандозем ва онро низ омехта менамоем. Креми тайёршударо ба тобае, ки ба он хамирро рост намуда будем,  мерезем.  Олуро аз донакаш тоза  намуда онро аз байнаш ба ду қисм ҷудо мекунем ва ба даруни крем ҷои буридаашро ба сӯи поён нигаронида каме зер мекунем.

Тобаро ба даруни тафдон гузошта дар ҳарорати 180  дараҷа  муддати 30-40 дақиқа мепазем. Пироги гармро  хунук намуда мебурем.

Бо иштиҳои том!

Сараева Ф.