ТАРЗИ ПУХТАНИ КОТЛЕТ АЗ ҚИМАИ ГӮШТИ ГОВ БО УСУЛИ НЕМИСӢ

Маҳсулот:

Гӯшти лаҳм – 500 гр

Тухм – 4 дона

Решаи карафс (сельдеря) – 40 – 50 г

Сабзӣ – 50 г

Бехпиёз – 1 дона (50г)

Сирпиёз 2 дандона

Як порчаи нони сафеди хушкшуда

Кабутии ҷаъфарии шибит -нимбанчагӣ

Чормағзи мускати майдакардашуда

 Намак

 Мурч

Равғани растанӣ ва ё қаймоқӣ – 1 чумчаи калон

Тарзи тайёр намудан: 3 дона тухмро дар об мепазем. Гӯшт, карафс, сабзӣ, бурдаи нони дар об таркардашуда, пиёз ва сирпиёзро аз гӯштқимакунак мегузаронем. Намак, мурч, чормағзи мускатӣ ва тухмро низ ҳамроҳ менамоем ва ҳамаи онро омехта месозем. Тухми ҷӯшондаро даврамонанд  ва кабудиро  майда реза мекунем. Ба тоба равған  молида каме аз қимаро  ба болояш гузошта рост мекунем. Аз болояш тухми даврамонанд буридаамонро гузошта каме кабудӣ мепошем.

Аз болои тухм боқимондаи қимаро рост намуда ба рӯяш равған мемолем. Сипас  онро дар тафдон дар ҳарорати 180 – 200 градус  муддати 50 – 60 дақиқа мегузорем.                      

 Баъд аз пухтани  ин навъи котлет онро якбора аз тафдон набароред. Бимонед, то ки он 15 дақиқаи дигар истад ва  шираи ҷудокардаашро ба худ ҷабида гирад.    Он боз болаззату   мулоим ва сероб мешавад.

Фотима С.