ЧАЛПАКЧА БО КАДУ

Маҳсулот:

Каду – 300-500гр

Шир – 2 истакон

Орд – 4 истакон

Шакар -3 чумчаи калон

Равғани растанӣ – 3 чумчаи калон

Намак – ½ чумчаи майда

Тухм – 2 дона

Дрожи хушк – 1 қоғазпеч (11гр)

Тарзи тайёр намудан:

Ширро дар ҳарорати 30 – 36 дараҷа гарм менамоем. Ба даруни шири гармшуда тухм, шакар ва намак андохта омехта менамоем. Баъд аз он орд, дрожи хушк ва равғани растаниро  низ илова намуда ҳамаашро якҷоя намуда хамир мекунем. Ва рӯйи хамирро ме пӯшонем, то хамир бирасад ва  ҳаҷмаш калон шавад. Вақте  ки хамир расид, кадуро аз турбтарошаки ҳаҷмаш калон гузаронида бо хамир якҷоя менамоем. Тобаро гарм намуда равғани растанӣ  андохта равғанро низ гарм менамоем. Чумчаи калонро дар оби ҷӯш гарм намуда бо он каме хамир гирифта ба даруни тоба меандозем. Вақте  ки як тарафи хамир сурх шуд, тарафи дигарашро гардонда сурх мекунем ва оташро пастар намуда рӯйи тобаро бо рӯпӯшаш мерӯшонем, то ки даруни хамир ҳам пазад.

Бо иштиҳои том!

 Бо дигар тарз тайёр намудани чалпакча бо каду низ ҳаст, ки онро бе расондани хамир низ пухта мешавад.

Ба мо лозим аст: 1 кило кадуи тозакардашуда, 1 истакон орд, 3 чумчаи калон  шакар,  равғани растанӣ – 3 чумчаи калон, намак – ½ чумчаи майда.                                                                                                                

Тарзи тайёр намудан:  

Бо турбтарошаки ҳаҷмаш майда кадуро мегузаронему ба он шакар, намак ва орд ҳамроҳ намуда хамир мекунем. Тобаро гарм намуда ба он равғанро мерезем ва равғанро низ гарм намуда хамири тайёршударо  ба даруни тоба меандозем ва аз ҳарду тарафаш сурх намуда баъд аз сурх шуданаш оташро паст намуда болои тобаро мепӯшонем, то ки он хубтар пазад. Бо иштиҳои том!

Сараева Ф.