ПИРОГИ СЕБИН

Маҳсулотро паси ҳам андохта хамир мешӯрем. Хамирро барои дам додан 20 дақиқа ба яхдон мегузорем. Дар зарфи алоҳида 100 гр маргаринро бо об мешӯрем ва дар шакли чоркунча бурида ба яхдон мегузорем. Ҳар ду массаро аз яхдон гирифта, хамирро дар шакли тасма мебурем массаи чоркунҷаи бо маргарин тайёр намударо ба рӯи тасма гузошта ба монанди лифофа  мепечонем ва боз ба яхдон мегузорем. Ин ҷараён 4 маротиба такрор меёбад.Баъд хамирро ба ҷои нимгарм гирифта мемонем токи хамир мулоим шавад. То мулоим шудани хамир қимаро тайёр менамоем. Пӯсти себро гирифта дар шакли чоркунҷа реза мекунем. Чормағзро кӯфта бо шакар омехта мекунем. Хамирро бошад ба ду ҳиссаи баробар тақсим менамоем ва қисми аввалро тунук намуда ба рӯи он начинкаро мерезем ва хамири дигарро дар болояш пӯшонида ба болояш зардии тухмро молида 15-20 дақиқа дам медиҳем. Баъд аз он ба даруни тафдон муддати 25-30 дақиқа мегузорем ва баъди пухтан ба рӯяш қайла мерезем. Бо иштиҳои том мехӯрем.

Сараева Ф.