ХӮРИШИ ГАРМ БО БОИМҶОН

Дастурамали маҳсулоти зарурӣ:

Боимҷон – 3 дона

Булғори сурхи гӯштдор – 2 дона

Пиёз  - 3-4 дона

Памидор 3-4 дона

Саримсоқ (чеснок) – 4 дона

Кабуди ( петрушка, укроп, кашнич)

Равғани офтобпараст

Намак

Мурч

Тарзи тайёр намудани хӯриши гарм бо боимҷон:

Боимҷон, помидор ва булғориро ба зарфи  дар ҳарорати баланди гармӣ устувор гузошта, ба он равған мемолем ва онро муддати 20 дақиқа дар даруни тафдони ҳарораташ 190 градус мегузорем.

Саримсоқ ва  кабутиҳоро майда реза мекунем. Пиёзро бошад аввал ба чаҳор ҷудо намуда, баъдан тунук  реза мекунем.

 
            Помидор ва булғориро аз даруни тафдон мегирему ба лаганча гузошта рӯяшро бо селофани тунук пӯшонида 10 дақиқа дам медиҳем. Боимҷонро боз 15 дақиқаи дигар дар тафдони гарм нигоҳ медорем.

Помидор ва булғориро аз пӯсташ тоза мекунем.Тухми булғориро ҳам аз дохилаш тоза карда мегирем.

Баъдан боимҷонҳоро аз тафдон гирифта, ду қисм ҷудо мекунем. Бо қошуқ сафедаи боимҷонро гирифта, пӯсти боқимондаи онро дар шакли чаҳоркунҷа реза мекунем. 

Ҳамаи маҳсулотро дар зарфи ба  гарми устувор  меандозем.

Ба он каме равғани офтобпараст, намак ва мурч андохта,  ҳамаи маҳсулотҳоро омехта намуда, зарфро дар тафдони ҳарорати гармиаш 220 градус мегузорем. Баъди 15 дақиқа хӯриши гарми аз боимҷон тайёр мешавад.Ин хӯриш дар ҳолати гармиаш лаззати бештар дорад.

Хӯришро дар вақти гармиаш пешниҳод  намоед.

БО ИШТИҲОИ ТОМ!

Фотима С.