Хуриши “СОЛИ НАВ”

Таркиб:

            Картошка – 3-4 дона

            Гӯшти мурғ – 200 г

            Бодиринги ошӯронидашуда – 2 дона

            Тухм – 3 дона

            Себ – 1 дона (аз рӯи хоҳиш),

            Панир - 150-200 г

            майонез

            сирпиёз – 1-2 дандона (аз рӯи хоҳиш) намак

            Донаҳои анор, лаблабу бо кабудӣ

Тарзи таҳия:

            Картошка, тухми обпазшударо аз дандонаи калон ва панирро аз забонаи хурди турбтарошак гузаронида, мурғро каме ба шакли дарозрӯя реза мекунем. Бодирингро низ мисли мурғ реза кардан лозим аст.

Себро тоза карда аз дандонаи калони турбтарошак мегузаронем ва каме афшураи лимӯ ҳамроҳ мекунем (беҳтараш ин амалро пеш аз истифода омода кунед, то себ сиёҳ нашавад). Агар нахоҳед, метавонед себро умуман истифода набаред.

            Майонезро бо сирпиёзи майдакардашуда омехта кунед. Зарфи мувофиқ омода карда, хуришамонро қабат-қабат бо майонез ва каме намак омода мекунем.

            қабати 1. Картошкаи аз турбтарошак гузаронидашуда (ба рӯи ҳар қабат майонез мемолем).

            қабати 2. Ними бодиринги ошӯронидашуда.

            қабати 3. Мурғи ҷӯшонидашуда

            Қабати 4. Боқимондаи бодиринги ошӯронидашуда.

            қабати 5. Тухм

            қабати 6: Себ (аз рӯи хоҳиш).

            қабати 7. Панир

            Қисмати охири хуришро бо майонез хуб рӯйпӯш карда, бо донаҳои анор ва лаблабуву кабудиҳо ба шакли дилхоҳ оро медиҳем.

            Иштиҳои том!