ФАРДОИ МО

Манижа Боймуродова, хонандаи синфи 11-и муассисаи таҳсилоти миёнаи умумии №6-и шаҳри Истиқлол:

- Боиси ифтихору шодмонист, ки Тоҷикистони соҳибис­тиқлоли мо ба сӯи пешрафтҳои навин қадамҳои босубот мегузорад ва дар даврони ҷаҳонишавӣ, масъалаҳои марбут ба рӯзгори ҷавонон ҳамчун насли ояндасоз дар меҳвари сиёсати давлату Ҳукумати кишвар қарор дорад. Табиист, ки бе иштироки фаъолонаи чунин неруи бузург рушди иқтисодиву иҷтимоӣ ва сиёсиву фарҳангии давлатамонро тасаввур кардан ғайриимкон аст.

Соли гузашта дар „Академияи хурди илмҳо“ аз бахши тиб дар сатҳи ҷумҳуриявӣ соҳиби ҷои аввал гардидам. Гирандаи идрорпулии Президенти кишвар ва раиси шаҳр ҳастам. Мехоҳам баъди хатм, тибқи Квотаи президентӣ ба Донишгоҳи давлатии тиббии Тоҷикистон дохил шавам.

- Саёҳат Маҳмадсаидова, хонандаи синфи 10-и литсейи давлатии №1-и ноҳияи Ёвон. Ғолиби озмуни „Хонандаи соли 2016“ - дар вилояти Хатлон:

- Мо, ҷавонон, аз он ки тавонистаем эътимоду боварии нас­ли бузургсолро соҳиб шавем ва такя ба неруи созандаи мо, ин сол „Соли ҷавонон“ эълон бишавад, саодатманду хушбахтем. Иқдоми шоиста водорамон месозад, ки беш аз пеш дониш андӯзем, бо фарҳанги баланди инсонӣ дар рушду пешрафти Ватани маҳбубамон саҳми чашмрас дошта бошем. Соли сеюм аст, ки дар олимпиадаҳои фаннӣ иштирок карда, соҳиби ҷойҳои намоён мегардам. Имсол ғолиби озмуни вилоятии „Хонандаи сол“ гардидам. Нақшаҳоям зиёданд. Мехоҳам муҳаққиқи соҳаи тиб шавам.