ДЕГУ ТОБА Қ ҲОИ ЧИРКИНУ СЎХТАРО Ч Ӣ ГУНА ТОЗА КУНЕМ?

   Қариб дар ошхонаи ҳамаи мо дегу тобаҳои куҳнаю ба истилоҳ чиркхӯрда ҳаст. Пас аз доғ намудани равған ё дурудароз истифода бурдани онҳо дегу тобаҳо сиёҳу чиркин мешаванд. Вале роҳу усули тоза кардани дегу тобаҳо ҳаст, ки онро ба ғайр аз маводҳои химиявии барои шустушӯй метавон истифода намуд.

   Дар тағора ё ба ҳамин монанд зарфи калонеро, ки дар он тоба ё дег ғунҷад, пур аз об намуда, ҷӯшонед. Ду қошуқи калон сода андозед ва монед, ки дег ё тоба дар оби ҷӯшидаистода як соат истад.

   Баъд аз ин чиркҳои он мулоим шуда, ба осони ба воситаи корд ҳам тоза карда мешавад. Ё бо сунбода (наждак) низ метавон тоза кард.

      Таги дарзмолро чӣ гуна тоза кунем?

   Гоҳе аз нодуруст истифода бурдани дарзмол таги он чирк мегирад, ки тоза накарданаш боиси аз истифода баромадани либосҳо мешавад. Махсусан, куртаҳои сафед. Аз ин хотир, пеш аз кор бурдани дарзмол ҳатман таги онро назар кардан зарур аст ва агар доғ ё чирке дар он дидед, аввал пок созед. Чӣ тавр? Усули осону сода ҳаст, ки метавонед, аз он истифода намоед.

   1 қошуқи калон ҷавҳари лимуро дар 350 мл. оби сӯзон илова мекунем. Дарзмолро каме гарм намуда, сипас бо ин маҳлул тоза менамоем.

   Ҳамчунин, дигар воситаҳои пок намудани дарзмол ҳаст, ба мисоли хамираи дандоншӯӣ ва чуткаи он.

                                                                               Қутбия