АЗ МИНТАҚА

МОДАРБУЗУРГ

Оилаи солим, зиндагии хуш ва тарбияи дурусти фарзанд - њама аз зан - модари бомаърифат вобаста аст. Мо дастпарвари яке аз бонувони бомаърифату некбин ва дурандеш њастем. Ин зани хушрафтор бибии азизи оила, Ония Масъудова мебошад, ки соли 1947 дар оилаи њунарманд, дар ноњияи Тољикобод ба дунё омадааст. Тањсили ибтидоиро ин љо оѓоз бахшида, аз сабаби боњушу бофањм ва соњибадаб буданаш дар њамон дабистон ба њайси муаллимаи синфњои ибтидої фаъолияти касбии хешро оѓоз намуда, њамзамон, дар мактаби олї идомаи тањсил кардааст.

Ин зани соњибдил касби худро дўст медошт ва хушнуду ифтихорманд буд, ки фарзандони мардумро донишу ахлоќ меомўзад ва тарбият менамояд. Ония Масъудова солњои зиёд ба таълиму тарбияи хонандагон ва њам ба китобдорї шуѓл варзида, шогирдонашро ба роњи рост, амалњои неку рафтори дуруст њидоят намудааст. Оиларо дар мадди аввал гузошта, њаёти оилавї ва љамъи фарзандонро муќаддас мешуморад. Зеро оила нињоди асосии љомеа буда, манбаи парвариши ќуввањои зењнї ва идомадињандаи насли ояндаи миллату давлат мебошад.

Риштаи њаёти ин бонуи асил бо яке аз мардони водии Рашт, инсони њалиму мењрубон Мањмуд Идиев пайванд буд. Ў низ тамоми фаъо­лияти хешро дар роњи ободии Ватани азиз, хусусан дар рушду равнаќи Рашт бахшидааст. Хизматњои шоёни ўро њукумати ваќт бо ордену медалњои зиёд ва ифтихорномањо ќадр кардааст. Ин марди ватандўст љони худро дар роњи ободиву суботи мамлакат соли 1996 дар синни 54 аз даст додааст.

Ония Масъудова њамчун як зани боирода вафоти ќањрамононаи калони хонаводаро бо сўзишу нолањо танњо дар ќалби кўчакаш љой намуду тањаммул кард ва фарзандонашро ба ояндаи неку њаёти солим рањнамо шуд. Њамаи онњоро соњибмаълумоту соњибкасб ва соњиби оилањои намунавї гардонд.

Бузургфарзанди оила Шањло зани бомаърифату сухандон буда, айни њол дар яке аз корхонањои ватанї ба њайси иќтисодчї фаъолият менамояд, Зулфия дастёру мададгор ва дармонбахшу ѓамбарори модари гиромї табиб аст. Ќаноатшоњ, писари калонии оила, дар пањлуи модари азизаш устувор сарпарасти ањли хонадон асту ба њайси њуќуќшинос фаъолият дорад. Ањмад мудири ширкати муштараки Тољикистону Чин «Транс Тољик газ» аст. Шараф соњибкор мебошад.

Њамаи фарзандон бо дуову маслињатњои модар оила барпо намудаанд. Њоло бибии њикоягўву пандомўзи мо дар атрофаш 5 фарзанду 20 набера ва 12 абераи худро гирд оварда, онњоро ба рањи ватанпарастиву омўхтани илм ва худогоњї њидоят менамояд.

Мунира МАЊМУДЗОДА,
ноҳияи Тоҷикобод