СОЛИ МУШ

Соли нави 2020, ки Соли муш аст ба онҳое, ки сидқан меҳнат мекунанд дастоварду комёбиҳо пешгӯӣ менамояд.

Тақвими шарқӣ, ки 12 солро ташкил медиҳад аз мучали муш оғоз меёбад. Мушҳо аслан зираку доно ва ҳушёранд.

Дар Соли муш онҳое, ки доро шудан мехоҳанд, агар кӯшанд, ҳатман ба мақсад мерасанд.

Онҳое, ки дар Соли муш таваллуд шудаанд, дорои хотираи қавианд, ки хурдтарин ҳодисотро дар хотир нигоҳ медоранд.

Муш дар ҳар ҳолат нуқтаи назари худро дорад ва аз маҳорату малака ва зиракии шахсӣ истифода мекунад. Мушҳо худхоҳ (эгоист) мебошанд.

Пешгӯӣ мешавад, ки дар Соли муш одамон кам ба касалиҳо гирифтор мешаванд, аз ин рӯ коршиносон тавсия медиҳанд, ки дар Соли муш фаъол бошему ба тамрину варзиш шуғл варзем.

Муш дар хона бенизомиро хуш надорад. Аслан талабгори чизҳои қимматбаҳост. Ҳамеша ба тозаву тамиз кардани хонааш машғул аст. Чун мушҳо хонаҳояшонро дӯст медоранд, мо ҳам беҳтар аст, Соли нави 2020-ро дар хонаҳоямон пешвоз гирем. Соли муш ғаму андуҳро қабул надорад. Мо ҳам таманно дорем дар ин сол ҳамеша шоду масрур бошед.

                                                                        Фарзона