ЗАНИ ХУРДТАРИНИ САЙЁРА

Шаҳодатномае, ки аз ҷониби масъулини китоби рекордҳои Гиннес ба ӯ тақдим гардид, имконият дод, ки Ҷиотӣ Амге дар доираи барномаи сайру сайёҳат аз кишварҳои Япония ва Италия дидан намояд. Дар он ҷо ӯро қаҳрамонҳои дигари китоби рекордҳо Гиннес пешвоз гирифтанд ва аз наздик бо онҳо шиносоӣ пайдо намуд.

Ҷиотӣ айни ҳол 25 сол дошта, орзу дорад, ки дар оянда яке аз моделерони шуҳратманд гардад. Мавсуф ба мӯд завқи беандоза дорад. Барои худ либосҳои шинаму зебо ва мувоффиқу замонавӣ омода менамояд. Дар баробари ин, ҷавоҳиротро низ дӯст медорад, барои худ аз нуқра ҳар гуна ороишот меофарад.

Дар хонаи Ҷиотӣ ҳама чиз ба андозаи мувофиқ карда шудааст. Ҳатто рахти хоби махсус дораду тамоми ашёи истифода мекардааш сар карда аз қошуқу табақча то чойнику пиёла барояш махсус омода шудаанд. Ҷиотӣ то андозае хурд аст, ки ҳангоми сайру гашт хоҳараш ӯро дар корзинаи велосипед ҷой менамоянд.

Имрӯз ӯро дар тамоми ҷаҳон мешиносанд. Дар чандин шоу-барномаҳои телевизионӣ низ ширкат варзидааст. Ба ҷуз ин, телевизиони «National Geographic», филми ҳуҷҷатии як соатинаро аз ҳаёту фаъолияти ин бону омодаву манзури тамошобинон намудааст. Коргардонҳои болливудӣ барои нақшофарӣ дар филмҳо даъваташ намудаанд. Ҷиотӣ Амге дар чанд сериалҳо низ нақш офаридааст. Дар оянда ният дорад, соҳибмаълумот ва фаъоли соҳаи сиёсат бошад. Тибқи баъзе сарчашмаҳо Ҷиотӣ бо хурдтарин марди ҷаҳон, Чандра Бахадур Данг оиладор мебошад, аммо ин иттилоъ тасдиқи расмӣ надорад.