ВУЛҚОНИ ХАТАРНОКТАРИНИ ҶАҲОН

Вулқони мазкур дар дар қитъаи Африқо Ҷумҳурии Конго ҷойгир аст. Ҷамъи гудозаи вулқон, ки наздики 8 миллион метри мукааб арзёбӣ мешавад, то ҳол аз ҷониби мутахассисон ба таври кофӣ омӯхта нашудааст. Зеро муддати мадидест, ки минтақаи мазкур ба бӯи сар задании ҷанги шаҳрвандӣ ба нуқтаи доғу даргири ноамн табдил ёфтааст. Дар масофаи начандон дуртар аз вулқон шаҳри Гома воқеъ мебошад, ки дар он зиёда аз 1миллион нафар ба сар мебаранд. Олимон ба хулосае омадаанд, ки наҷотбахшон бояд барои ба ҷои бехавф интиқол додани аҳолии нуқтаҳои маъмурӣ ва рустоҳои перомани вулқон дар ҳолати омодабош қарор бигиранд. Сели гудозаи вулқони Нирагонго, ки пайваста фаворра мезанад, метавонад Гомаро маҳв кунад.

Мутахассиси сейсмология Дарио Тедеско, ки муддати 15 соли охир ба омӯзиши Нирагонго машғул аст, диққати ҷомеаи илмиро ба ин мушкилӣ ҷалб кардааст. Ӯ иброз менамояд: «Шубҳае нест, ки оташфишонӣ дар ояндаи наздик рӯй хоҳад дод. Гома аз ҳама хавфноктарин шаҳри рӯи замин ба ҳисоб меравад. Олим қайд кардааст, ки Нирагонго аллакай соли 2002-ум сабаби садама гашта буд». Он замон вулқон 14 ҳазор биноро валангор намуда, 350 ҳазор сокин маҷбур шуданд, ки манзилҳои зисташонро тарк кунанд.

Мадина