НОРАСОИИ ОБ ДАР САЙЁРА

Норасоии оби ошомиданӣ яке аз сабабҳои асосии афзоиш наёфтани кӯдакон арзёбӣ гардида, ҳамасола дар ҷаҳон то 5 миллион одам аз норасоии оби ошомиданӣ ба ҳалокат мерасад, ки бештари онро кӯдакон ташкил медиҳанд. Тибқи пешгӯиҳои Институти тадқиқотии Уқёнуси Ором давоми бист соли оянда мушкили норасоии оби ошомидани сабаби марги 34 миллион сокинони сайёра мегардад. Гуфта мешавад, ки норасоии об дар кишварҳои осебпазир сабабгори пайдоиши бемориҳо гардида, аз асари он дар ҳар 8 сония як кӯдак фавтида истодааст. Аз ҷумла, мутахассисон хурӯҷи бемориҳои марговар дар кишварҳои Афикоӣ Ҷанубиро ба норасоии оби ошомиданӣ нисбат медиҳанд.

Ҳанӯз соли 1950 муайян гардида буд, ки захираҳои обии сайёраи замин сол аз сол кам мешавад. Ҳаҷми бузурги обҳои ҷоришаванда барои обёрии заминҳои кишоварзӣ сарф шуда, ҳамагӣ 2 дарсади он ба талаботи санитарӣ ҷавобгӯ мебошаду халос. Роҳи ягонаи таъмини аҳолии сайёра бо оби ошомиданӣ ширин кардани обҳои баҳрӣ мебошад, гарчанде ин усул ниҳоят сермасраф аст.

Мавриди зикр аст, бо ташаббуси СММ 5-уми март рӯзи умумиҷаҳонии оби нӯшокӣ эълон шуда, он аз соли 1992 инҷониб дар кишварҳои дунё қайд гирифта мешавад.

Мадина