БОНУИ МИЛЛИОНЕР АЗ ЧИН КӮЧАРӮБӢ МЕКУНАД

Сарват барои Юй Южан осону муфт ба даст наомадааст. Ӯ фирефтаи пулу боигарӣ ҳам нест. Бо кори ванини ферма зану шавҳар аввал хонаи сеошёна сохтанд ва ҳуҷраҳои онро барои дигарон ба иҷора доданд. Ин амал барои хонавода фоидаи хубе овард, ки ин бор онҳо тасмим гирифтанд боз ду бинои дигари сеошёнае бунёд намоянд.  Ҳоло онҳо соҳиби 17 бинои истиқоматӣ мебошад, ки маблағи умумиашон 1,5 миллион долларро ташкил медиҳад. Пул хосияти дигар кардани инсонҳоро дорад. Одамони доро мағруру бо таккабур мешаванд. Вале Юй Южан заррае тағйир наёфт.

Даромаде, ки Юй Южан аз иҷора додани хонаҳояш ба даст меорад, барои нигаҳдории аҳли хонаводааш басанда аст. Вале ӯ ҳоло меҳнатро на чун воситаи даромад ё пулкоркунӣ, балки барои хоксориву талқини сифати меҳнатдӯстӣ ба одамон ихтиёр кардааст. Ин бону барои тозагию атрофи хонааш ҳар субҳ либоси ранги норанҷидошта ба бар намуда, аз соли 1998 ба ин ҷониб ҳар рӯз аз соати сеи субҳ ба кӯча мебарояд. Даромади моҳонааш аз ин ҳисоб 1420 юан, ки тақрибан ба 200-220 доллари америкоӣ баробар аст, мебошад. Кори кӯчарӯбиро Юй як воситаи оромкунии асаб барои занҳо меҳисобад. «Ҳамчунин ман барои рафъи хислати бадтарини инсонӣ - танбалӣ ба ин кор даст задам, то фарзандонам аз ман ба унвони модар ибрат бигиранду меҳнатдӯст бошанд»- мегӯяд Юй. Писару духтари Юй низ бо ин ҳама сарват соҳиби вазифа ва кори махсусе нестанд. Онҳо коргарони оддианд.

                                                                                                 Таҳияи Қутбия