10 ҲИЛАИ ТАРЗИ ТОЗА ВА ЗЕБО НИГОҲ НАМУДАНИ АШЁВУ АНҶОМИ ХОНА

2.Рафи яхдон

Барои тоза нигоҳдоштани рафи яхдон ба рафҳо метавонед  аз пардаи (пленка) барои озуқаворӣ  гузоштан истифода намоед. Ба рӯи рафҳо пардаро сахт кашида бо часпак  мечаспонем то вақти чизеро гузоштан он наафтад. Чун тоза намудани он қулай ва ҳангоми фарсуда шудани он метавонед пардаи онро нав кунед.

3.Ванна

Дар вақти ваннаро шинондан он ба девор наздик меистад ва ҳангоми намии бисёр гирди девор ва ванна сиёҳчатоб  мешавад ва ё мағор мебандад. Вале ба шумо тамоман лозим намеояд, ки маҳлулҳои махсуси тозакунандаро бихаред. Чун бо ду ҷузъи оддӣ метавон  сиёҳӣ ва мағорро тоза намуд.  Пахтаи целлюлозиро ба  маҳлули сафедкунанда тар карда онро ба ҷои сиёҳшудаву мағорбаста муддати як шабонарӯз мегузорем. Баъд аз як шабонарӯз пахтаҳоро гирифта гирди девор ва ваннаро бо латаи тар тоза мекунем. Гирди девор ва ванна сафед ва ҷилодор мешавад.

4.Панҷараи плитаи газӣ

Панҷараи плитаи газиро ба дохили халтаи пластикӣ гузошта ба он 2-3 чумчаи калон ҷавҳари навшодир мерезем ва муддати 12 соат нигоҳ медорем. Пас аз он панҷараро бо оби тоза мешӯем.

5.Нишасгоҳи халоҷо

Барои тоза намудани нишастгоҳи халоҷо метавонед Кока-Коларо истифода намоед. Сирраш дар он аст, ки дар таркиби ин нӯшоба компонентҳое мавҷудаст, ки дар як лаҳза чиркҳои нишастгоҳи халоҷоро тоза менамояд. Кока-Коларо ба гирди нишастгоҳи халоҷо рехта муддати як соат мегузорем. Пас аз он бо чӯтка онро мешӯем.

6.Ғалладон

Барои ба  ғалладонҳо хӯрокворӣ ва ё дигар ашёҳоро ҷо ба ҷо гузоштан, метавонед аз қуттиҳо барои тухм ва бӯлкамонӣ ва ё қуттиҳо барои ашёҳоро гузоштан  гузоред, то фосилаи байни онҳо ва ба зудӣ аз ғалладон дастрас намудани онҳоро барои худ  муҳаё  созед.

7.Душ ва ҷуммак

Барои мо лозим меояд дастпӯшак ва аз ½ ҳиссаи лимӯ. Дастпӯшакро ба дастонатон пӯшида  аз ½ ҳиссаи лимӯро гирифта гирд ба гирди душ ва ҷуммак бишакед. Он ҷойҳои зангзада, сиёҳгашта ва ё мағорбастаи душу ҷуммакро тоза, сафед ва ҷилодор менамояд.

8.Ҳавотозакунаки автомобил

Чӯткаи хурди  исфанҷдорро ба сирко тар карда бо он ҳавотозакунаки автомобилро тоза намоед.

9.Жалюз

Тоза намудани жалюзи серғубор ба назар вазнин менамояд. Барои тоза намудани он ба мо  пайпоқи нодаркор ёрӣ мерасонад. Пайпоқро ба даст пӯшида онро ба сиркои бо об (1:1) омехтакардашуда тар карда бо он ғубори жалюзро тоза намоед.

10.Қолин

Барои тоза намудани ҳар гуна доғҳои дар қолин буда ба мо дарзмол, маҳлул барои шишатозакунӣ ва матои нодаркор лозим мешавад.  Маҳлулро ба доғи қолин рехта аз болояш матоъро гузошта дарзмол мекунем.  Матоъ доғҳои дар қолин бударо бо ёрии маҳлули шишатозакунӣ ва бо гармии дарзмол ба худ ҷабида мегирад  ва қолин сифати пештараи худро мегирад.

                                                                 Таҳияи Фотима