ОРГАНИЗМИ ХУДРО БАРОИ ЗИМИСТОН ОМОДА БОЯД НАМУД

Мисол, витамини С  агар дар организм кам бошад, организм ба бемориҳои гуногун дучор мешавад.  Ба организм витамини С  барои устувор намудани асаб ва хосияти сироятнопазирӣ  нақши муҳимро мебозад. Аз норасоии витамини С дар организм одам  беҳол, хоболуд ва зуд монда мешавад. Аз ин сабаб, дар мавсими сардӣ ба калонсолон ва кӯдакони системаи масунияташон суст ба тарзи иловагӣ истифода намудани кислотаи аскорбин тавсия дода мешавад. Ба кӯдакон кислотаи аскарбинро ба намуди табииаш бидиҳед, хубтар аст. Яъне меваоби қот, настарин (хуч, хулӯл), мураббоҳои гуногун ва ё меваҳои ситруси лимӯ, афлесун, норинҷ, бергамот  ва  ғайраҳо. Витамини С боз дар таркиби булғорӣ, карам, биҳӣ, себҳои зимистона, боимҷон, нок, сабзӣ, каду, анор, киви ва ғайраҳо мавҷуд аст. Витамин В дар таркиби моҳӣ, гӯшт, тухм, маҳсулоти ширӣ ва ғайраҳо мавҷуд аст. Дар фасли тирамоҳ бояд бештар  аз маҳсулоти ширии турш  истифода намуд, то  аз нав кори меъда ва микрофлораҳоро барқарор намуд. Набояд аз ёд баровард, ки норасоии оҳан дар организм ба камхунӣ оварда мерасонад. Дар  фасли сармо бояд ҷигар, гӯшт ва афшураи анорро  бисёртар истеъмол  намуд.

Сараева Ф.