АНГУШТВОНА Ё АНГУШТПОНА?

     Аввалин ангуштпонаҳои чинии аз чарми сахт омодашуда дар асри 3-и пеш аз мелод  ёфта шудаанд ва баъдтар намуди аз биринҷӣ тайёршудаи онро низ археологҳо пайдо кардаанд. Бозёфтҳо собит сохтанд, ки одамони доротар ангуштвонаҳои тиллоӣ ва нуқрагинро низ истифода мебурданд. То асри 14 заргарони олмонӣ ангуштпонаро аз латун месохтанд. То асри нуздаҳ ангуштпона дар дуконҳои дастӣ тайёр мешуд, баъдан истеҳсоли он дар корхонаҳо ба роҳ монда шуд.

            Сол аз сол таваҷҷуҳ ба ангуштпонаҳои замонавӣ бештар шуда, мардҳо ангуштпонаҳои аз сангҳои қимматбаҳо ороиш додашударо ҳамчун тӯҳфа ба бонувон тақдим мекарданд. 

  Бо тараққӣ кардани техника ҷойи ҳунарҳо дастӣ аз ҷумла дӯзандагиро мошинаҳои дарздӯзӣ гирифтанд ва истеҳсоли ангушпона низ коҳиш ёфт. Аммо дар кишварҳои қораи Осиё то кунун кӯрпадӯзу дигар ҳунармандони мардумӣ барои ҳифзи ангуштон аз халидани сӯзан аз ангуштпонаҳо истифода мебаранд.   

Қутбия