ЧӢ ГУНА ОИНАИ ПЛАСТИКИРО ШУСТ?

Оинаро  хуб тоза мекунад  ҷавҳари навшодир – 1 чумчаи калон дар 1 литр об.

Ҳамроҳ намудани оҳар ба об низ ба оинаи пластикӣ ҷилои устувор мебахшад – 1 чумчаи калон дар 1 литр об.

Ҳамчунин, ба об керасин агар омехта намоем, он ҳам оинаи пластикиро ҷилодор менамояд – дар 3 литр об 1 чумчаи калон керасин.

оинаи  хирашудаи тирезаро бо сирко тар намуда, баъд аз он бо оби тоза мешӯем. Он ҷилодор ва шаффоф мегардад.

Оинаро метавонед бо равғани зағир тоза намуда пас аз он бо матоъи пашминаи хушк тоза намуд, ки он ҳам оина, чорчӯбаи тиреза ва зертахтаи тирезаро ҷилодор менамояд.

Боз хокаи бӯр ва ё хокаи дандошӯӣ низ чирки оинаро  тоза менамояд, ва он тирезаро намехарошад. Дар аввал оинаро тар намуда каме аз хокаи бӯр ва ё хокаи дандошӯӣ гирифта ба оина мемолем ва мегузорем, то он хушк гардад. Сипас,  метавонед бо латаи хушк тоза намоед ва он чирке, ки дар тиреза, хоҳ аз равған ва хоҳ аз дигар чизе буд, ба осонӣ тоза шавад. Спирти навшодирро бо каме хокаи дандоншӯӣ  омехта намуда бо он оинаро тоза намоем, оина ҷилодор мегардад.

Агар оинаи тозаи пластикиро бо даҳони фаранг 1 чумчаи майдаро дар 1 литр об омехта намуда тоза намоед, ранги он сабзчатоби зебо мегардад.

Синкаи ултранилобии хушк ранги оинаро кабудча менамояд.

Агар хохед, ки дар фасли зимистон оинаи пластикии яхкардаро тоза намоед, як мушт намакро дар 0,5 литр оби ширгарм омехта намуда, бо он оинаро тоза бишӯед. Яхи дар оина буда тез об мешавад, пас аз ин оинаро бо латаи хушк пок намоед.

Барои он, ки оинаи пластикӣ дар зимистон арақ накунад, онро бо маҳлули холиси глитсерин ва спирт бишӯед (1 ҳисса глитсерин ва 20 ҳисса спиртро омехта месозем). 

Сараева Ф.