ТУШИ САХТШУДАРО НАПАРТОЕД

ҲУСНИ ЗАН ДАР МӮЯШ 

Муйҳои дарозу ғавс ва солим ба симои бонувон ҳусни бештар мебахшад. Муддати бештар нигоҳ доштани дурахши чунин муйҳои ҷозибадор аз муносибат ва нигоҳубин вобаста аст. Бархе аз занҳо аз рехтани муй изҳори норозигӣ менамоянд. Агар дар баъзеҳо рехтани муйҳо бо гузашти сину сол мушоҳида шавад, баъзан бонувони сини 20-25 сола ҳам аз рехтани мӯйҳояшон шикоят мекунанд.

 Сабаби рехтани мӯй ва нест шудани ҷиллои он дар чист?

Мутахассисон муайян намудаанд, ки  истеъмоли нодурусти ғизо, асабонии бемаврид ва паст шудани масъунияти бадан ҳам ба солимии муйи инсон таъсири манфӣ мерасонад. Агар хоҳед, ки муйҳоятон мустаҳкам шаванд,  аз маслиҳатҳои зерин истифода намоед:

1. Миқдоре аз гиёҳи газандаро дар оби ширгарм тар намуда, онро ним соат дам партоед. Баъд оби онро ба зери мӯйҳои саратон молида, бо панҷаҳоятон маҳс кунед, то пӯсти сар маҳлулро ҷаббида гирад.

2. Се қошуқча барги хушки шакарсебро дар як истакон шир ҷӯшонида аз дока оби онро гузаронед ва ба он 1 қошуқ асал ва шарбати сабр (алоэ) илова намоед. Маҳлули тайёршударо ба пӯсти сар молида баъд аз 15-20 дақиқа муйро бо оби тоза бишӯед.

3. Барои хуб гизо гирифтан ва мулоим шудани пӯсти сар ба даруни як пиёла ҷурғот як дона тухм ва ним қошуқча асал ҳамроҳ намуда ба пӯсти сар молед ва онро пас аз ним соат шӯед.

Сараева Ф.