ЧИ ТАВР МАҲСУЛОТИ ҒИЗОИРО БЕ ЯХДОН НИГОҲ ДОШТАН МУМКИН АСТ?

Гӯштро мувофиқи табъатон намак ва мурч занед ва ба зарфи шишагини болопӯшдор  гузоред. Ин гуна гӯштро чанд муддат ботарроват нигоҳ доштан мумкин аст.

Хамчунин гӯштро метавонед ҷушонед ва ё каме дар оташи кушод аз ҳама тарафаш нигоҳ  доред. Баъд аз он тавсия медиҳем, ки  гӯштро дар ҷои салқин дар дохили халтачаи докагин нигоҳ доред.

Бояд гуфт, ки гӯшт бе устухон хубтар  нигоҳ дошта мешавад.

Мурғ . Барои бо тароват нигоҳ доштани гӯшти мурғ усулҳои монанд  истифода бурда мешаванд. Ҳамчунин шумо метавонед ба монанди гӯшт мурғро ба сурфачаи бо сирко омехташуда печонед. Мисол, мурғи обпазшударо метавонед муддати зиёд тароватнок нигоҳ доред, ба шарте ки намакашро расо карда ба рӯяш қаланфури сурх пошед.

Агар хоҳед ,ки дар тобистон моҳиро ботароват нигох доред ҳатман дохилашро чок карда тоза намоед, аммо бо об нашӯед, балки бо сачоқ то хушкшавӣ пок кунед ва намаку мурч карда, ба ҷои салқин гузоред. Ҳамчунин ба монанди гӯшт ба сурфачаи ба сирко таркардашуда печонида монед. Тоза шустани моҳиро пеш аз истифода фаромӯш накунед.

Ширро . Дар зарфи сафолӣ ё шишагӣ нигоҳ доред. Барои нигоҳ доштани шир ҷои торик ва ба қадри кофӣ салқинро интихоб намоед. Дар ҳолати гармии ҳаво метавонед зарфи ширдори худро дар дохили зарфи дигари бо оби хунук пуркардашуда нигоҳ доред.

Диққат диҳед. Агар хоҳед, ки шир турш нашавад дар вақти ҷӯшонидан каме  шаккар  илова  кунед, ё ин ки миққдоре  содда (дар нӯги корд) илова кунед.

Равғани маска. Оё равғани маскаро бе яхдон нигоҳ доштан мумкин аст?

Агар хоҳед, ки маскаро бе яхдон чанд муддат нигоҳ доред онро ба зарфе монед, ки аз нури офтоб дур бошад. Агар хоҳед, ки маскаро муддати тӯлонӣ ботароват нигаҳ доред, пас онро бо матои ба сирко таркардашуда печонида монед.

Ҳамчунин,  порчаҳои маскаро метавонед ба қоғази пергаментӣ печонида ба зарфи сирдор гузоред. Фаромӯш накунед,ки ба зарфи сирдор намакоб резед (20 гр намак ба 1л. об).  Баъд аз он, ки маскаро ба дохили зарф мондед, болояшро маҳкам кунед ва зарфро дар ҷои салқин нигаҳ доред. Дар ин ҳолат маска тӯли чанд ҳафта вайрон намешавад.

                         Фотима С.