ДАСТОВАРДҲОИ БОНУВОН ДАР СОЛИ 2012

            Маҳваши Умед, хонандаи синфи 3- и мактаби таҳсилоти миёнаи умумии рақами 59- и ноҳияи Фархор. Маҳваш соли 2012 дар озмуни ҷумҳуриявии шоҳномахонӣ бо маҳорати баланд баромад карда, соҳиби шоҳҷоиза гашт.

            Мавзуна Чориева, бонуи муштзан, сокини шаҳри Кӯлоб. Дорандаи медали биринҷии бозиҳои олимпии Лондон 2012. Ба ифтихори ӯ бисёр модарони тоҷик ба духтарчаҳои таваллудшудаи худ номи зебои Мавзунаро гузоштанд.

            Малика Файзова, Пизишки таваллудхонаи вилоятии шаҳри Кӯлоб. Нахустин бонуе, ки дар ҷашни 2700 - солагии шаҳри Кӯлоб унвони фахрии Корманди шоистаи Тоҷикистонро гирифт. Дорандаи медали «Шафқат». Соли 2010 беҳтарин духтури сол дар вилояти Хатлон дониста шуд.

            Матлуба Каримова, корманди бахши Раёсати хизмати давлатии назди Президенти ҶТ дар минтақаи Кӯлоб аст. Хатмкардаи бахши иқтисодии ДМТ. Ягона бонуи корманд дар ин бахш. Барои ҷалби бонувон ба вазифаҳои гуногун талош меварзад.

            Одинамоҳ Шарифова, номзади илмҳои филологӣ, мудири кафедраи адабиёти муосири руси ДДК. Соли 2012 рисолаи номзадиашро ҳимоя кард. Ҷавонтарин олимаи ДДК ба ҳисоб меравад. Соли 2012 чор мақолаи илмиаш дар маҷаллаҳои илмии донишгоҳҳо ба табъ расидааст.

            Муҳҳабат Иззатова, номзади фанҳои педагогӣ, декани факултаи маълумоти ибтидоӣ ва омодагии дифои ДДК. Аввалин шахсе, ки дар вилояти Хатлон кӯдакистони шахсӣ ташкил кардаасту дар он 8 бону ба кор фаро гирифта шуд.