МО ВА ТӮҲФАҲО

Хатогӣ

JLIB_DATABASE_ERROR_FUNCTION_FAILED

МО ВА ТӮҲФАҲО

Тӯҳфаи ногаҳонӣ
Парвона Аҳрорӣ

Соли 2001 шавҳарам дар Амрико буд. Рӯзи бозгашт бо фарзандон ба пешвоз шитофтам. Яке аз лаҳзаҳои хотирмону романтики умрам маҳз дар ҳамин ҷо иттифоқ уфтод. Шавҳарам дар фурудгоҳ ангуштарини зебоеро ба дастам андохт. Ҳарчанд то ин дам аз ӯ тӯҳфаҳои зиёде гирифта будам, аммо чун макон ва тарзи супоридан аҷибу ногаҳонӣ буд, эҳсосе, ки он лаҳзаҳо доштам, ҳеҷ гоҳ аз хотирам намеравад.

Тӯҳфаи болаззат
Дар асл он қадар дӯстдори тӯҳфаҳои гаронарзиш нестам. Ҳатто бо як хома ё қалами зебо ҳам хурсанд мешавам. Муҳимаш таваҷҷӯҳ. Масалан, соли гузашта писарам, ки 19 сол дорад, дар Рӯзи Модар бароям шириниеро аз анвои меваҷот, омода намуд. Онро ба унвони беҳтарин тӯҳфае, ки модар аз фарзандаш метавонад интизор шавад, қабул намудам. Хеле хушмаза буд».

Тӯҳфае, ки дар орзуяш ҳастам
Орзуи ман ин аст, ки дар Рӯзи Модар билети ҳавопаймо ба шаҳри Парижро бароям бидиҳанд.
Мардон набояд дар хусуси бонувон танҳо дар рӯзҳои иду ҷашнҳо андеша намоянд. Эҳтироми худро нисбати модару ҳамсар, хоҳару духтарон ҳар соату ҳар рӯз бояд гуфт. Ин меҳрро дар муҳити хонаводагӣ меафзояд.

Тӯҳфае, ки дӯсташ надоштам
Боре дар рӯзи иди бонувон шавҳарам ба ман чангкашак ҳадя кард. Ин тӯҳфаро дӯст надоштам. Тӯҳфа кардани чангкашак, мошинаи ҷомашӯӣ ва ашёи дигари зарурии рӯзгор дар рӯзи ид, ба андешаи ман, аз рӯи одоб нест. Рӯзҳои маъмулӣ, агар ин гуна тӯҳфаҳоро бароямон оранд, шод мешавем. Мо дар Рӯзи Модар аз мардон бештар тӯҳфаҳои романтикиро интизорем.

Парвона Аҳрорӣ

Беҳтарин тӯҳфа

Лоиқ будан ба муҳаббати зан пурарзиштарин тӯҳфа дар ҷаҳон аст. Беҳтарин тӯҳфаи ман ба ҳамсарам ин хушбахтии оилавист, ки барои фароҳам оварданаш ҳамеша кӯшидаам. Тӯли ин солҳо барои завҷаам дар Рӯзи Модар тӯҳфаҳои зиёде омода кардаам ва ҳар дафъа мекӯшам чизи барояш хушояндро ҳадя бикунам.

Арзиши тӯҳфа

Ба андешаи ман арзиши туҳфа муҳим нест. Муҳимаш каме вақт ёфта, дар андешаи чӣ гуна гузаронидани ҷашн бишавӣ. Ҳама олӣ мешавад. Гулро ба ҳукми тӯҳфаи арзанда мепазирам. Зан худаш шабеҳи гул аст. Вақте бонувонро мебинам дар фикри гул меафтам, вақте гулро мебинам, дар хусуси занҳо меандешам. Аммо беш аз ин дӯст дорам, ки барои бонуи хонадон китоб тӯҳфа кунам.

Марат Мамадшоев

Тӯҳфаи арзанда

Беҳтарин тӯҳфа барои ман меҳри инсонист. Дӯстдориву муҳаббат, ҳурмату этиром, қадрдониро тӯҳфа меҳисобам. Мутаассифона, ин фаҳмиш дар асри 21 каме кӯҳнаву хандаовар менамояд. Ҳама чиз бо пулу дороӣ ҳисоб мешавад. Ман аз ин ҳама сарватпарастиҳо азият мекашам».

Тӯҳфаҳо аз Президент
«Беҳтарин тӯҳфа дар рӯзи Иди Модар – ин тӯҳфаи махсуси идонаи Президент аст, ки ҳар сол дар ин рӯз маро бо табрикномаву тӯҳфа қадрдонӣ мекунад. Ва баъдан аз масъулини «Ориёнбонк» низ дар ин рӯз ва дар тамоми иду ҷашнҳо тӯҳфае мегирам».

Майрам Исоева

Тӯҳфаи ҳаётӣ
Наргис Қосимова

Тавлиди духтари дӯстрӯякам дар зиндагӣ тӯҳфаи беҳтарини ман ба ҳамсарам ва ҳамсарам ба ман аст.

Тӯҳфаи бадтарин
Онро боре аз дасти марде гирифта будам, ки атриёти пастсифате буд бо бӯи ғализ.

Маслиҳат ба мардон
Фаромӯш набояд кард, ки занҳо арзандаи ҳама гуна тӯҳфаҳои олианд.

Наргис Қосимова

Беҳтарин тӯҳфа
Аҳлиддини Тоҳирӣ

Беҳтарин тӯҳфа барои зан аз нигоҳи ман гул аст. Бонувон, ки худ шабеҳи гул зебову муаттаранд, гулро ба ҳайси тӯҳфа бештар меписанданд.
Мехоҳам дар Рӯзи Модар барои модар, ҳамсар ва духтарчаам пеш аз ҳама гулҳои тару тозае, ки онҳо дӯст медоранд, чун армуғон меорам. Шириниҳои лазизро барои дастархони идона низ фароҳам меорам, то дар ин рӯз онҳоро аз ташвишҳои рӯзгор фориғ созам.

Тӯҳфаҳои ман:
Ба фикрам ҳамеша хушоянданд. Боре норозигиро дар ин хусус эҳсос накардаам.

Аҳлиддини Тоҳирӣ

Таҳияи Гулноза Бобомуродова

:. Аз ҳар боб 30.03.2012 11:08 2747

Муассис:
Президенти Ҷумҳурии Тоҷикистон

МО ВА ТӮҲФАҲО

Шумораи навбатӣ

Соли рушди деҳот, сайёҳӣ ва ҳунарҳои мардумӣ 2019-2021

Дастархон

Нигористон