ШОИСТАИ ШОИСТА

Яъне дар Донишгоҳи байналмилалии Қирғизистон аз фани фалсафа ва фарҳанги ҷаҳон дарс бигӯяд. Ҳамчу файласуфу ҳаким ва равоншиносу марҳами дилҳо машҳур шуда. Вай ба узвияти Иттифоқи миллии нависандагони   Қирғизистон пазируфта шудааст. Зеро сухангустари мумтоз ба шумор биравад.

Шоиста муаллифи чанд рисола ва китобҳои адабиву илмӣ мебошад, аз ҷумла «Рӯдакӣ - одамшуаро», «Бозгашт ба ишқ», «Оғозе, ки анҷом надорад», «Элдос», «Муҳраҳои андеша» ва «Кохи бегазанд».

Нигоштаҳояш барои ақл асту дастурамал ба сифати роҳнамо.

Аз лиҳози жанр эҷоди Шоиста аз қитъаҳои мансур ба ҳам омада, ки ба шеъри мансур шабоҳат доранд. Ҳар қитъа, ё фикри бикр ҷаҳони тоза, ва уфуқҳои худро доранд.

Китоби «Кохи бегазанд»-и Шоистаи файласуф мисоле аз сухани тоза ва ҷуръати адабии дигари вай бошад. Дар ин мавзуъ адиба услуби дилпазир ва сабки наву равонро ба кор бурда, ки бидуни он боз намудани асрори ин гиреҳ ғайриимкон мебуда. Тозаҷӯӣ ва шодобии суханаш аз он аст, ки худро ба шеваи сухани форсӣ - тоҷикӣ, ба мактаби адабии классикони ин адабиёт аз Рӯдакиву Фирдавсӣ, Саъдӣ, Хайём, Сино, Ҳофиз, Ҷомиву Низомӣ то Бедилу Айнӣ, Лоҳутиву Турсунзода ва Қаноату Лоиқ мансуб медонад.

Китоби «Муҳраҳои андеша»-и Шоистаи Равшан бошад аз донаҳои тобноку рамзии сухан ба ҳам омада, як силсила андеша ва ниёзҳои зиндагӣ, ишқ, сарнавишт ва ормонҳоро фаро мегирад. Нависанда барои башар, барои сокинони кишварҳои мухталиф, барои одамони мансуби рангу пӯсти гуногун, аҳли тафаккуру андешаҳои мухталиф эҷод мекунад. Зеро ӯ парварда ва зодаи обу хокест, ки аз он бори нахуст чунин андешаҳои ваҳдатсоз ва барои аҳли сайёра созгору қобили пазиро арзи вуҷуд карда.

Ҳоло аз китоб «Муҳраҳои андеша»-и Шоистаи файласуф, Шоистаи олима, Шоистаи адиба, Шоистаи шоира, яъне тоҷикдухтаре аз Қирғизистон пораҳои мансур манзури хонанда мешаванд ва яқин дорам хонанда аз он барои худ муҳраҳои пурқимати дилкушо ва пурбаҳо бардоштаву бо худ бурда метавонад.

ШЕРАКИ ОРИЁН,

кинодраматург, адиб